آج کا سبق

السلام علیکم ورحمۃاللہ وبرکاتہ 

سبق نمبر 1375 بروز پیر۔

دسمبر 01 ،  عیسوی 2025

جمادی الثانی 09 ،  ہجری 1447

مگھر 18, نانک ، 555, بکرمی 2082

سورہ النازعات۔79.آیات 15-19

اعوذ باللہ من الشیطان الرجیم 

میں پناہ مانگتا ہوں \ یا اللہ بچا لیں مردود شیطان (جن و انس) سے۔

بسم اللہ الرحمن الرحیم 

یا اللہ آپ رحمان (نے کمال مہربانی سے فضیلت و انعامات دئے ) ہیں ۔آپ کے پاک ناموں کا واسطہ رحم بھی فرما (دین رحمت سے نواز ) دیں۔

( نوٹ۔۔۔اوپر والی آیات سے ملا کر پڑہیں ۔شکریہ)۔

ہَلۡ  اَتٰىکَ حَدِیۡثُ  مُوۡسٰی ﴿ۘ۱۵﴾

کیا آپ کے پاس موسیٰ (علیہ السلام ) کی حدیث (خبر )پہنچی ہے؟ ۔

اِذۡ نَادٰىہُ رَبُّہٗ بِالۡوَادِ الۡمُقَدَّسِ طُوًی﴿ۚ۱۶﴾

جب ان کے  رب العزت (حاکم اعلی) نے ان کو مقدس وادی طویٰ میں پکارا۔ 

اِذۡہَبۡ  اِلٰی فِرۡعَوۡنَ  اِنَّہٗ  طَغٰی ﴿۱۷﴾۫

(حکم دیا گیا) ۖفرعون کے  پاس  جائیں ، حقیقت یہ ہے کہ وہ باغی(سرکش) ہو گیا ہے۔ 

فَقُلۡ ہَلۡ  لَّکَ  اِلٰۤی  اَنۡ  تَزَکّٰی ﴿ۙ۱۸﴾

لھذا اسے کہیں (پوچھیں) ,کیا تو چاہتا ہے کہ تو (سرکشی سے ) پاک ہو جائے؟ 

وَ  اَہۡدِیَکَ  اِلٰی  رَبِّکَ  فَتَخۡشٰی  ﴿ۚ۱۹﴾

اور میں تیرے رب العزت (حاکم اعلی) کی طرف تیری راہ نمائی کروں، لھذا تو ڈر جائے (اللہ کے عذاب سے)۔